AFA гэдэг нь Applied Failure Analysis буюу эвдрэлийн дараах дүн шинжилгээг хэлдэг. AFA нь ямар нэгэн тоног төхөөрөмж, эд ангид эвдрэл доголдол үүсч үүргээ гүйцэтгэж чадахааргүй болсон үед тухайн эвдрэл юунаас болж үүссэнийг олж тогооход чиглэгдсэн нарийвчилсан дүн шинжилгээ юм.
• Эвдрэлийн тоог цөөрүүлэх
• Эвдрэлийг дахин давтагдуулахгүй байлгах
• Засвар үйлчилгээний зардлыг багасгах
• Бүтээгдэхүүний бэлэн байдлыг нэмэгдүүлэх
• Эвдрэлтэй холбоотойгоор авч болох оновчтой арга хэмжээ, шийдвэр гаргахад түлхэц үзүүлэх
Эвдрэлийн дүн шинжилгээ нь дараах тохиолдолд хийгдэнэ. Үүнд:
• Томоохон эд анги Caterpillar-ын стандартын баталгаа хүчинтэй хугацаанд эвдрэх
• Томоохон эд анги WAE/CRC -ын засварын баталгаатай үед эвдрэх
• Том хэмжээний эвдрэл гарах үед
• Эвдрэл давтагдаж гарах тохиолдолд
• Харилцагч хүсэлт гаргасан тохиололд тус тус хийж гүйцэтгэнэ.
Хөдөлгүүр, кроп, явах эд анги, цилиндр гэх мэт томоохон эд анги баталгаат хугацаандаа эвдэрсэн тохиолдолд эд анги нь дилерийн засварын цех-т хүргэгдэж задаргаанд оруулж, эвдрэлийн шинжилгээг хийдэг. Харин өөр бусад эд анги эвдэрсэн тохиолдолд харилцагчийн хүсэлтийн дагуу төлбөртэй хийж болно
Эхлээд AFA/Warranty -ын баг руу хандаж эвдэрсэн эд ангийн талаар аль болох дэлгэрэнгүй мэдээлэл хүргэнэ. Харилцагчийн өгсөн мэдээлэл бүрэн бөгөөд үнэн зөв байснаар эвдрэлийн шалтгааныг олж тогтооход хялбар болох ба AFA -ын дүгнэлтийг бодитой зөв гаргахад чухал ач холбогдолтой байдаг. Эвдрэлийн шинжилгээг хийхэд дараах мэдээлэл, баримтууд шаардлагатай болдог. Үүнд:
• Машины болон эд ангийн сериал дугаар, мот цагийн мэдээлэл
• Оношилгооны болон сервис тайлан /report/
• PSR, ECM файл, SOS тосны шинжилгээний хариу, түүх
• Төхөөрөмжийн засвар үйлчилгээний түүх, эд ангийн засварын түүх
• Эвдэрч доголдсон эд анги болон холбогдох хэсэг хэлтэрхийг цуглуулах
• Эвдрэл гармагц зураг авч баталгаажуулах
Ихэнх тохиолдолд чадна. Ямар нэгэн бүтээгдэхүүн эд анги яг яагаад эвдрэх болсон шалтгааныг деталчлан дэлгэрэнгүй байдлаар тайлбарлах нь эвдрэлийн шинжилгээний бас нэг үндсэн үүрэг зорилт байдаг. Гэвч эвдрэлийн талаарх зарим нэг мэдээлэл дутмаг байдлаас болж шалтгааныг тогтооход бэрхшээл мөн гарч болдог. Аль ч тохиолдолд дүгнэлт нь шинжилгээ хийх явцад ажиглагдсан олдвор болон бусад баримт мэдээлэл дээр тулгуурласан байх ба most probable root cause /хамгийн их магадлалтай шалтгаан/ - ыг олж тогтооход чиглэнэ.
Эвдрэлийн шинжилгээг хийж гүйцэтгэх тодорхой заагдсан хугацаа гэж байдаггүй. Харин эд ангийн хэмжээ, эвдрэлийн ноцтой байдлаас хамаарч бидэнд зорилтот хугацаа байх ба тэр нь 3 – 14 өдөр байна. Харин зарим тохиолдолд эвдрэлд хамаарах бүрэлдэхүүн хэсэгүүд болон холбогдох мэдээлэл дутуу ирүүлэх, харилцагч талаас дур мэдэн арга хэмжээ авах, бусад нэн чухал буюу яаралтай шинжилгээнүүдтэй давхцах зэргээс хамаарч бодит хугацаа өөрчлөгддөг.
Эвдрэлийн тохиолдол ихэвчлэн харилцан адилгүй ч асуудлын шалтгаанаас хамаарч бүтээгдэхүүний дефект (үйлдвэрээс хамаарсан асуудал), засвар угсаргааны алдаа (дилерийн угсаргааны асуудал) болон буруу ашигалалтын (харилцагчаас хамаарсан эвдрэл) гэсэн үндсэн 3 хэсэгт ангилж болно.
Эвдрэлийн шинжилгээг хийж гүйцэтгэхэд доорх 8 алхам багтана.
1. Асуудлаа үнэн зөвөөр тодорхойлох
2. Баримт мэдээлэл цуглуулах
3. Ажиглах болон тэмдгэлэх
4. Баримт дээр тулгуурлаж логик гаргалгааг олох
5. Most probable root cause /хамгийн их магадлалтай шалтгаан/ -ыг тодорхойлох
6. Холбогдох талтай нь мэдээлэл солилцох
7. Шийдвэр зааварчилгааны дагуу засвар хийх
8. Харилцагчтай холбоо тогтоох
Эдгээр алхамуудыг баримталж шинжилгээг явуулах ба үзлэг хийх үед хамгаалах хувцас хэрэгсэл, чийдэн, микроскоп, шаардлагатай багаж хэрэгсэл ашигладаг. Шинжилгээг AFA –д зориулсан тусгай лабораторид эсвэл засварыг цехийн байранд явуулж болно. Хэрэв шинжилгээгээр эвдрэлийн шалтгаан тогтоогдсон гэж үзвэл Failure Analysis Report -д тайлагнаж дүгнэлт гаргадаг.
Ихэнх тохиолдолд эд анги эвдэрвэл засварын цех рүү явуулж задаргаанд орж шинжлүүлдэг ч зарим онцгой тохиолдолд AFA team -ээс хүн томилж харилцагчийн сайт дээр үзлэг хийж болно. Харин эвдрэлийн шалтгааныг тогтооход шаардагдах багаж тоноглол хангалтгүй тохиолдолд дилерийн засварын цех рүү эд ангийг хүргүүлэх хэрэгтэй болдог.